Uncategorized

通告-200207

Posted in Uncategorized by admin

通告-200207  各位:  鑒於接着的两個星期是近期冠狀病毒流行發展的高峯期,本院 (師虚太極養生學院, http://www.wdgf.hk) 決定暫停課2個星期,即由2020年2月7(星期五)-20日(四)停課,2月21日復課,課程順延。  在停課期間,為了幫助大家維持鍛煉身體,增強免疫能力,提昇對抗病箘的能力,以及一些學員也希望保持鍛煉身體,學院會在停課期間免費開放以下時段讓有意的學員及其親友來強身健體,師虚師傅會在這些時段義務指導各位學過的功法(未學過的親友傳授武當太極十三勢)。如有興趣者,請先以whatsapp 91978302 報名接龍,並預先說明想指導的功法,以便安排: 1, 星期三早上11:30-1, 2月12,19日,出席日期,功法名稱: 1) 名 xxx ,出席日期,(功法名 xxx) 2) 2, 星期五晚7-8:30,2月14,21日: 1) 名 xxx ,出席日期,功法名 xxx; 2) 3, 星期六早上9-10:30,2月8,15日: 1) 名 xxx ,出席日期,功法名 xxx, 2) 此外,學院在本星期起已採取一系列防疫措施,並在相關地方張貼提示圖文,包括: 共設4块噴有消毒液的地毯讓大家擦鞋,門內外各两块; 在學院內外戴/除口罩的措施及指引; 集中地方放包包、随身物和外衣; 大門內設消毒搓手液; 所有門柄每天消毒2次; 地板每天清洗消毒2次; 毛巾每天清洗、消毒及更换2次,及/或厕所內提供抹手紙; 洗手方法指示; 坐厠每天消洗消毒2次,沖厠先蓋厠板指示等。 在此希望各人在家時也保持鍛煉身體,身體自身的免疫能力高才是對抗病毒的最佳方法!希望大家共同努力,共渡時艰,身心靈健康快樂! 師虚太極養生學院 師虚師傅

Share

C22. 武當秘傳五禽戲

Posted in Uncategorized by admin

C22. 武當秘傳五禽戲 2個月 課程介紹: 由三國時名醫華佗所創,根據古代導引、吐納、熊經、鳥伸之術,研究了虎、鹿、熊、猿鳥五禽的活動特點,結合人體臟腑、經絡和氣血功能編制而成。寓醫理於動作之中,寓保健、康復效益於生動形象的戲之中,甚具特徵。要求意守、調息、動形相配合。長練可以強身、健體、防病、袪病、延年、益壽。對暢通經絡,調和氣血,活動筋骨,滑利關節有正面作用。虎戲主肝,能疏肝理氣,舒筋活絡;鹿戲主腎,益氣補腎,壯腰健腎;熊戲主脾,調理脾胃,充實四肢肌肉;猿戲主心,養心補腦,開竅益智;鳥戲主肺,補肺寬胸,調暢氣機。 媒體介紹 學員體驗及/或演練(按此進入)

Share

武當太極十三勢-李麗嫦180805

Posted in Uncategorized by admin

【武當太極十三勢】練後低血壓變回正常,不再頭暈!手腳由冰泠變為溫暖,人能放鬆不再緊張 – 李麗嫦,文職,180805 按此進入視頻 詳細文字版 師傅、各位來賓,大家好,我叫做麗嫦呀,嗯,我係一個呢,好性急嘅緊張嘅大師,而且我嘅血壓都比較偏低,成日都會暈,嗯,仲有呢,嗯,我手腳都會好冰凍嘅,咁自從學咗武當太極十三勢之後,咁之後呢師傅教識我地一D功法啦,再加埋嘅呼吸嘅練習,經過一段時間嘅熟練啦,嗯,咁我深深去體驗到,我全身嘅血液呎,果個血氣好旺盛,覺得呢,個身體呢有有D溫熱,個手指呢,成日都又紅又飽滿又紅潤,咁嗯,精神又好咗,我嘅血壓呢慢慢就升番去正常嘅水平,咁我嘅心境呢就平和咗,放鬆咗同埋舒暢咗。嗯,我係呢度呢,多謝師傅嗯嗯循序漸進,咁去悉心去教導我地,多謝。

Share

武當秘傳動靜氣功- 王滔180805

Posted in Uncategorized by admin

【武當秘傳動靜氣功】練後高血壓由3次進出急症室的危險190度多變回理想!氣深長了許多,潛水時耗氧竟少了!另眼清目明,臉色嘴唇紅潤如化妝! - 王滔,退休人仕,180805 按此進入視頻 詳細文字版 我係跟師傅學好短嘅時間,係今年過咗舊曆年之後,咁,我練呢個氣功係有一個原因嘅,因為我以前嘅身體個底都幾好,我自己認為,因為我有運動,但係2017年呢,即係屋企發生咗一D事故,咁令到我身體呢,就突然間好似崩潰咁樣,下滑咗,咁個情況呢就係,係我完全評估唔到嘅,點解我由一個身體咁好嘅人,突然間跌得咁緊要呢,包括咗我3次入急症室呀,係因為我嘅血壓呢高到危險程度,180幾190幾咁,咁我唔明白我點解會發生咁嘅事,所以就睇醫生啦,咁醫生就,西醫就話我係發生咗一D事情,令到我身體入邊嘅內分泌神經系統紊亂,咁呢個呢,佢就叫我食降血壓藥,咁但係亦都講明啦,如果我開始食呢,以後都要食,咁當時我好抗,即係好抗拒食,我就話我唔食得唔得,咁,個醫生就話如果你唔食你會危險,因為果個高血壓會持續傷害我地嘅內部器管,咁但係拉尾呢,卒之就同佢negotiate咗好耐,佢就話,得,我俾機會你,你去運動,你運動一段時間之後返黎驗,如果你過度關,OK嘅,咁就可以唔駛食啦。咁嗯跟住我就自己唸勒,點樣去運動呢,即係救番自己,咁所以呢我就揾咗師父,哈,咦太極喎,即係氣功喎咁樣,咁所以呢,就由新年開始呢就學,持續咁樣學氣功,練。 咁,我大概發覺我自己呢,大概一個半月度,因為我日日都驗我嘅,即係要要登記我嘅血壓,咁呢一個月度呢我就覺得我落,之前呢高可以高到180幾,低都係140幾、150幾,係唔標準嘅,偏高呀,咁但係我個半月之後呢,就開始去到呢正常情況就140幾,但當然下面就係,都係130幾,但係呢呢種情況唔係穩定嘅,都仲係唔穩定,咁呀我再練啦。咁,大概3個月度,咁我發覺好奇怪嘅野發生勒,即係我成個血壓呢,去到130幾,即係高呀,但係呢正常情況我都係130樓下,咁,因為我今年已經60幾歲啦,咁我呢個血壓嘅程度係叫做理想,咁我返番去醫院之後呢,醫院就幫我裝咗個血壓器,就唔除得嘅,即係要通過一晚嘅測試,咁呢就第二日先之准去醫院拆番,咁點知拆咗之後呢,咁我就睇到呢,原來係個電腦都打出黎呢,我嘅血壓係理想,咁揸住呢份報告呢,個醫生呢就話你唔駛黎揾我啦,你得咗,咁就好證明我呢能夠通過運動,佢唔知我做咗D mug嘢運動。即係,總之佢知道我係運動,而令到我呢就出現即係全部血壓正常番,同埋避免咗我唔駛長期食呢個血壓藥,咁呢個即係令到我自己都好開心,因為我都擔心一食就繼續食落去囉,咁呢個係一個情況。 咁我自己練嘅時候,最主要感覺就係呢,朝朝早我都練一個鐘,咁練完之後我好明顯發覺自己嘅口唇係紅色嘅,未練之前呢係好,又唔係蒼白嘅,即係普通啦,就唔會紅潤呀,但係口唇呀、面色呀、手指甲呀都係紅。仲有一樣嘢呢,我發覺我嘅眼呀,眼睛係好,唔係光亮,即係好潤呀,好分明,本來之前好似濁濁地架,但係練完之後,唔知係唔係血液嘅循環呀,令到你隻眼黑白好分明,好,好潤嘅。 咁仲有一樣,好快講嘅,就係,我唔知自己係咪呀,就,因為我係玩一個水肺潛水啊,不嬲都,咁呢就,啱啱我呢就係7月份呢,去潛水返黎,去紅海潛水,潛咗8日,咁我地潛水呢係要用氣樽,要吸氣呀嘛要呼吸,咁以前呢,即係我自己知道我嘅氣,大概係吸幾多,但係今次呢潛完水,因為唔知係唔係練氣功嘅關係,我發覺自己用嘅氣,同一個時間呢係用少咗好多,咁呢個呢就係一個好好好,好明顯嘅嘢,咁點解,因為我都潛咗好多年,點解,即係即係會突然間令到我吸嘅氣係少咗呢,咁我估我自己應該係果個呼吸呢係延長咗、細咗,我唔需要一啖吸咁多氣,咁所以係好多謝師傅。

Share

武當秘傳動靜氣功- 麥慶180805

Posted in Uncategorized by admin

【武當秘傳動靜氣功】練後很少病痛,免疫力提高了許多!練時容易產生氣感,身體溫暖,丹田發熱血脈暢順 – 麥慶權,資訊科技總監,180805 按此進入視頻 詳細文字版 咁職業呢就係IT總監,咁我想分享一下呢,我學咗呢個嘅氣功之後我嘅體驗啦,赫,咁嗯,點解我會學氣功呢?其實因為呢,我發覺我身邊嘅好多嘅親朋戚友呢,嗯,好年輕啫佢地已經開始感染咗好多大大小小唔同嘅病痛勒,咁,所以我覺得呢,養生係一件好重要嘅,赫。咁亦都因為中國傳統嘅氣功呢,其實有,亦都有好顯著嘅養生同埋保健嘅功效勒,所以我係一年多之前就開始跟師虚師傅學習氣功內丹勒。 咁,而「武當秘傳動靜氣功」呢係一個非常好嘅氣功入門嘅課程黎嘅。咁呢個課程除咗可以令我呢,深入咁樣認識氣功之外,亦都有兩個好好嘅體會嘅。咁,第一個就係氣感勒。練氣功嘅人通常都會產生氣感嘅,而呢種感覺對我黎講係D乜嘢呢?就係話我會運氣之後,過咗一陣間,我個全身就會開始發熱啦,赫,我嘅手呢,就會開始有一D氣感嘅出現,譬如好似係酸啦、麻啦、脹啦或者電嘅感覺嘅,咁後期呢,因為我已經開始係真氣充盈勒,咁我已經係可以呢以意領氣,咁即係話我可以用氣去引導,去到唔同嘅經絡裡邊啦,令到果個血氣能夠暢通啦,同埋調整果個嘅臟腑嘅。 第二個體驗呢就係我亦都學識咗一個嘅丹田嘅週天運轉啦。咁我運功果陣時呢,會感覺到有一團氣,係個丹田裡面係循環咁運轉緊嘅,咁嗯比較上嘅可以啟動到果個氣機啦,赫,咁呢D咁嘅鍛鍊呢其實對我日後呢,去學D深層次嘅譬如好似小週天啦嘅幫助係好大嘅。 咁就自從學習咗氣功之後呢,咁嗯身體方面亦都有好大嘅改善啦,譬如係扺抗力、免疫力其實係高咗好多,因為好少病痛嘅,咁嗯同埋我最近亦都有一個係加拿大嘅親戚呢,佢自己亦都患咗腸癌嘅第三期啦,咁因為我自己對於氣功呢嘅得益好有體會,所以我亦都同佢講咗係點樣去學氣功啦,咁等佢嘅病情能夠減輕嘅,咁呢D就係我嘅體驗,多謝。

Share

陳式太極老架一路- Daniel Yu180805

Posted in Uncategorized by admin

【陳式太極老架一路】令我之前斷了的主足筋復原良好,力量和柔軔度增強了,行動自如。太極原來適合所有年齡! – Daniel Yu, 美藉台灣人,180805 按此進入視頻 詳細文字版 Hello, my name is Daniel. I started to learn TaiChi about one year ago. Two years ago I had a surgery on my ?? . After the surgery it’s very weak, very stiff and had a lot of problems about flexibility and mobility. Since training from ShiFu, my

閱讀更多

Share

武當五形氣功 – 唐桂花180805

Posted in Uncategorized by admin

【武當五形氣功】練後脾氣、耐性、睡眠和血氣都好了! – 唐桂花,國際標準舞國際裁判、職業賽手,180805 按此進入視頻 詳細文字版 咁多位大家你地好呀,嗯,我叫做唐桂花,道號呢叫做資玄,咁呢我點解會黎學呢個氣功呢,我本身就係跳開國際標準舞嘅職業賽手,咁呢我就一路都無mug成績,我嘅老師呢就叫我去學芭蕾舞,咁樣我身為中國人,我做mug去學芭蕾舞,已經無mug長進啦,咁我就係網上search到阿師傅學中國功夫,咁學咗大約一年度啦,嗯,我就同師傅講,我話我個人成日好熱呀,頂唔順呀,脾氣好唔好啊,咁阿師傅就叫我轉型,學五形氣功啦,咁學咗之後呢,我D睡眠呢就改善得特別好,即係唔會三更半夜成日醒啦,成日唔會發脾氣啦,係好咗好多啦,同埋對我自己跳舞呢係大有進步,練咗之後呢又發覺我自己想愈黎愈想啦,即係好多D動作呢做唔到呢,原來係功夫上面呢係幫咗我,係對我最大嘅幫助,多謝咁多位。

Share

武當功夫- 唐桂花180805

Posted in Uncategorized by admin

【武當功夫】竟有助大幅突破了國際標準舞藝,高難度動作也做到了,取得國際職業賽難得的好成績! – 唐桂花,國際標準舞國際評判、職業賽手 , 180805 按此進入視頻 詳細文字版 咁多位大家你地好呀,嗯,我叫做唐桂花,道號呢叫做資玄,咁呢我點解會黎學呢個氣功呢,我本身就係跳開國際標準舞嘅職業賽手,咁呢我就一路都無mug成績,我嘅老師呢就叫我去學芭蕾舞,咁樣我身為中國人,我做mug去學芭蕾舞,已經無mug長進啦,咁我就係網上search到阿師傅學中國功夫,咁學咗大約一年度啦,嗯,我就同師傅講,我話我個人成日好熱呀,頂唔順呀,脾氣好唔好啊,咁阿師傅就叫我轉型,學五形氣功啦,咁學咗之後呢,我D睡眠呢就改善得特別好,即係唔會三更半夜成日醒啦,成日唔會發脾氣啦,係好咗好多啦,同埋對我自己跳舞呢係大有進步,練咗之後呢又發覺我自己想愈黎愈想啦,即係好多D動作呢做唔到呢,原來係功夫上面呢係幫咗我,係對我最大嘅幫助,多謝咁多位。

Share

武當太極十三勢-羅志誠 (Jeff)180121

Posted in Uncategorized by admin

【武當太極十三勢】長時間加班引起的肩頸痛、疲勞、壓力、易感冒等勞損不再困擾了,人精神了許多!原來打太極還很有型,每招都含強身健體同智慧功能! – 羅志誠 (Jeff),文職 – 180121 按此進入視頻 詳細文字版 大家好, 我叫阿Jeff, 我呢就做文職既工作, 長時間呢係呢個office度工作啦, 咁就肩膀呀, 肩呀頸呀都開始有啲痛呀, 有啲勞損咁樣, , 學左差唔多都年半啦, 咁就發覺自己呢身體就好左, 以前呢就會好容易傷風呀, 感冒呀, 咁依家學成左之後呢, 咁就嗯, 個人會健康左啦, 同埋對於工作壓力我都覺得有啲舒緩既, 咁令到我都對呢個武當太極即係好有興趣可以繼續學落去囉, 最感興趣就係練太極入面既招式啦, 咁我覺得打落, 就會好, 嗯, 好舒服, 行氣活血呀, 即係覺得自己係好精神, 每一次. 以前呢就可能瞓完覺起身都覺得好攰, 咁但係學左之後呢, 咁就依家就覺得, 會精神好多囉, 咁以前呢就會係, 嗯, 比如一年就可能會有3次4次既傷風感冒呀, 咁依家學左之後呢, 咁一年都係無一次既, 個人健康係工作上面呢, 咁嗯, 有時會做得好晏啦, 可能會做到9點幾呀10點呀, 咁嗰陣時就呢就會覺得好攰呀個人, 即係好似好虛脫咁樣, 咁但係學左之後呢, 咁我會起碼嗰個月即係放放工返屋企, 個人都精神啲囉, 原來做得慢呢越會, 好有型呀, 咁每一個招式呢都係有原因既, 點解咁打,

閱讀更多

Share

武當太極十三勢-杜堅民180127

Posted in Uncategorized by admin

【武當太極十三勢】是武當派裡最矜貴的太極套路之一,對身體的肌肉、筋骨有好大幫助! – 杜堅民,理工大學副教授,180127 按此進入視頻 詳細文字版 嗯,各位好,嗯,我叫做杜堅民Chester,我係嗯理工大學紡織製衣系裡邊呢,我係做一個教職員嘅,武當十三勢有初階啦,咁有進階啦,咁呀就可以話呢個功法呢,係武當派裡邊最基本嘅,但亦都係最矜貴的一種,因為呢係期間裡邊呢嘅訓練,咁呢係我地嘅身體裡邊或者D肌肉呀筋骨裡邊呢,原來有好大幫助嘅。

Share
 

 
 
previous next