武當靜坐及混元樁功-謝景煌,171217

【武當靜坐及混元樁功】近視減了180度!在失物中竟能准確列出46項,開發了我的記憶潛能!午間打坐半小時尤如深睡數小時,下午智力敏銳,效果奇佳!–謝景煌,商人,171217

按此進入視頻

詳細文字版
嗯,我姓謝嘅,係一個做生意嘅人,依家就分享下嗯練……靜坐及混元樁功呢個功法,咁,嗯,係呢個功法我學咗之後呢,我每一次練呢,呢個功法係一個採補嘅作用,咁呢每一次練果陣時呢,發覺呢個身體呢係好和暖,咁同埋呢吓,個D氣血呢好充盈,同埋個D氣一吸吸咗落去,採補嘅方法,一吸吸咗落去個丹田到呢,個丹田係好充盈,咁同埋呢吓,果個腦呢係會好愉悅、好開心,而且呢個愉悅嘅感覺,唔係一般買到嘢果種好開心嘅感覺,係一種好長久嘅感覺,同埋好平靜嘅感覺。咁係呢個功法練咗大概5個月度呢,我去驗眼,咁呀驗眼果陣時呢,嗯,發覺呢我個眼果個視力,近視果個度數呢,就減低咗180度,所以要成個眼鏡個鏡片要換。
咁同埋有一個好特別嘅地方呢,就係有一次我帶阿媽黎師傅個度,嗯,學一套功法,咁係坐的士黎,係落車果段時間,就因為我又要俾錢啦,又要顧住阿媽,陪住佢落車啦,咁唔覺意就跌咗個銀包,係果個的士車廂入邊。咁跟住就落咗堂勒,落咗堂之後勒,唸住同阿媽去食嘢,um來um去都um唔到果個銀包,咁我就係到唸大件事勒,因為果陣時銀包入邊有好多樣嘢係度嘅,咁我就mei埋對眼好靜心咁樣係到唸,唸番,好似回帶咁樣,唸番嗯我點解會唔見咗果個個樣,好似呢,個腦直情好似回帶咁樣,完全望到晒果個銀包跌咗係個車廂入邊,同埋呢吓,我記得每一次我坐的士,我就有一個習慣呢,嗯,我就攞張發票嘅。咁,跟住我就攞住張發票呢,去果個嗯油麻地差館果度,咁就嗯報一報,咁呢就,因為我有張發票,咁佢就即刻可以搵到個司機,咁跟住呢就搵到個司機,跟住就約咗幾點鐘黎交返個銀包俾我,咁但係呢因為銀包入面有好多樣嘢呀嘛,咁呢就有個師姐呢就嗯叫我寫出黎,俾張白紙我,A4紙寫出黎,你個銀包到底入邊有D mug嘢,即係證實我,證實下果個銀包到底係咪我嘅呢咁樣,咁我呢就又mei埋對眼,我就慢慢係度思維係度唸,銀包裡邊有D mug 嘢有D mug 嘢,我記得我個銀包大概有50,50幾樣嘢,咁我竟然呢可以寫出好重要個46樣嘢出黎,咁到到果個司機交番個銀包黎差館果陣時呢,咁就攞晒D嘢出黎點,果個師姐呢都覺得我好驚訝,點解,你點解你咁好記性嘅呢,幾十歲人,都可以,50,以我所記得係52樣嘢,即係有52樣嘢有46樣好緊要果D嘢全部可以寫晒出黎嘅,咁佢都覺得噢好驚訝,咁我就講俾XX聽我就係練過一種武當嘅功法,就係靜坐及混元樁功,咁令到我個思維呢係敏捷咗快咗,記憶力好咗,同埋開發我個智慧,呢一樣嘢係我自己,嘩,我平常自己係感覺唔到嘅,我自己都唔知道嘅,係唯一呢件事發生咗勒,我就有呢個體會,有呢個感悟。
咁至於嗯去到靜坐、小周天個陣時,我就每一次朝頭早起身或者晏晝果陣時呢,都會打坐,練一個小周天功,一個靜坐,咁尤其是下晝,因為朝頭早我五、六點鐘起身練功,咁到到下晝,都有一段時間,即係會比較,個人會比較疲累啦。咁三點鐘果陣時,每日三點鐘我就係公司呢,靜坐半個鐘頭,咁靜坐完呢半個鐘頭呢,就好似去到一個,嗯,即係呢直情好似瞓覺,瞓咗一個深睡嘅覺一樣,嗯,令到自己無論體力好,個精神,個智力,都完全呢可以恢復番,好似reset咗咁樣,咁變咗呢吓,令到我三點後鐘,三點半後呢,果個工作效率呀,各方面呢,完全呢就比以前呢就快咗好多,同埋思維靈敏咗好多,同埋有時決定性嘅野呢,我都可以決定到,嗯,因為以前呢,因為以前三點零四點鐘呢,我都已經覺得好疲累啦,或者又自己覺得年紀大咗嘅問題啦,所以呢就會有咁嘅情況,但係我練完呢個靜坐及混元樁功呢,就已經將我果個體質呢,同埋各方面整體,人體整體果個,一log,無論內在好外在好都有一個好大嘅變化,咁呢個係我一個練呢個功法嘅體驗。

Share

發表迴響

你的電子郵件位址並不會被公開。 必要欄位標記為 *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

 

 
 
previous next