【道門八段錦】是強筋健骨練氣的好功法!學後動作都能做到，也不再累或喘氣了! - 巫健霞，退休人仕，180124
詳細文字版
我叫巫健霞啦, 咁我退左休架喇。
咁, 嗯, 我跟師虛師傅學, 學太極呢就有兩年幾啦, 咁, 我係之前啦, 係, 只係學過, 嗯, 一啲(其他)太極28式, 咁嗯, 完全得動作架啫。 咁, 同埋我覺得都好難跟既嗰啲, 即係, 講, 嗯, 即係完全講唔上識啦。 咁仲有就係咩野, 嗯, 氣功嗰啲啦, 我直情完全係未接觸過架。
咁我跟師虛師傅學既第一樣野啦, 其實就係道門八段錦啦。做嗰啲既動作既時候要配合埋呼吸啦, 咁初初做既時候呢係好索氣架,就好喘氣囉, 兩隻腳呢,好累, 但係後尾做到, 差唔多, 嗯, 做幾堂之後呢, 嗯, 配合, 即係就, 配合埋呼吸呢, 就好順喇, 完全一啲問題都無呀,全部都, 即係都做到啦!我覺得係一個好好, 好既強筋健骨既鍛練黎架。
咁, 就, 嗯, 咁初階八段錦就咁啦, 咁, 我依家呢, 差唔多兩年之後, 我依家學緊丹房八段錦同埋坐式既八段錦啦。 咁, 嗯, 嗰啲動作呢, 就係都有啲難既, 但係我覺得都, 都幾好, 即係初初你可能唔做, 做唔到吓, 咁初初果一兩次, 咁但係呢, 慢慢慢慢呢, 你會睇到呢, 嗯, 你會做到啲動作囉, 所以呢, 嗯, 非常好!
